Qoraqalpog‘iston Respublikasi Pedagogik mahorat markazida yoshlar o‘rtasida erta nikohning oldini olishga qaratilgan seminar-trening o‘tkazildi.
Seminar-treningda Pedagogik mahorat markazi professor-o‘qituvchilari hamda tinglovchilar ishtirok etdi.
Tadbirni Pedagogik mahorat markazi direktori Gulistan Kojabaeva kirish so‘zi bilan ochib berib, yoshlarning kelajagi, ularning ma’naviy va jismoniy barkamolligi, shuningdek, hayotga mas’uliyat bilan yondashishning muhimligi haqida so‘z yuritdi.
Seminar davomida xalqaro trener Gulxan Utepbergenova tomonidan nikoh yoshi, oilaviy mas’uliyat, yoshlarning shaxsiy rivojlanishi hamda ta’lim olishning ahamiyati yuzasidan batafsil ma’lumotlar berildi. Shuningdek, ishtirokchilar bilan mavzu doirasida fikr almashilib, muhim tavsiyalar taqdim etildi.
