Qoraqalpog‘iston Respublikasidagi umumiy o‘rta ta’lim maktablari o‘quvchilari o‘rtasida “O‘qish savodxonlari” tanlovi jarayonlari davom etmoqda.
Tanlov o‘quvchilarda kitobxonlik madaniyatini yuksaltirish, o‘qish hamda matnni tushunish ko‘nikmalarini rivojlantirishga qaratilgan. Ayni paytda tanlov bosqichlari Nukus shahri, Qanliko‘l hamda Shimboy tumanlaridagi maktablarda o‘tkazilmoqda.
Jarayonlar Pedagogik mahorat markazi metodistlari tomonidan kuzatilib, metodik jihatdan qo‘llab-quvvatlanmoqda. Tanlov yakunida eng yuqori natija ko‘rsatgan o‘quvchilar munosib rag‘batlantiriladi.
