Sizlerdi hám shańaraq aǵzalarıńızdı tábiyattıń oyanıwı, jańalanıw hám jasarıw, miyrim-shápáát hám keńpeyillik áyyamı bolǵan Nawrız bayramı menen Qaraqalpaqstan Respublikası Pedagogikalıq sheberlik orayınıń jámááti atınan qızǵın qutlıqlayman!
Nawrız ásirler dawamında xalqımızdıń eń súyikli bayramlarınan biri bolıp kelgen. Bul qutlı áyyyam insanlardı tınıshlıq hám tatıwlıqtı qádirlewge, bir-birine miyrim-shápáátli bolıwǵa, elimizde húkim súrip atırǵan tınıshlıqtı qásterlep saqlawǵa shaqıradı. Ásirese, ustazlarımızdıń jámiettegi ornı sheksiz bolıp, olardıń pidákerlik miyneti keleshek áwladtı bárkamal etip tárbiyalawda úlken áhmiyetke iye.
Bıyılǵı Nawrız bayramınıń múbárek Ramazan ayına tuwra kelip atırǵanı onıń ruwxıy áhmiyetin jáne de arttırıp, kewillerimizdi jaqsılıq, saqawat hám shúkirshilik sezimleri menen toltırmaqta. Bul bolsa hár birimizdi jáne de miyrimli hám keńpeyil bolıwǵa shaqıradı.
Pursattan paydalanıp, bársheńizge bekkem densawlıq, baxıt-ıǵbal, shańaraqlarıńızǵa tınıshlıq hám abadanlıq, kásiplik jumısıńızda jańa jetiskenlikler hám tabıslar tileymen. Elimizde bárqulla tınıshlıq-tatıwlıq húkim súrsin, xalqımız abadan hám baxıtlı ómir súrsin!
Nawrız bayramı bárshemizge múbárek bolsın!
Húrmet penen,
Kojabaeva Gulistan Talasbaevna.
Qaraqalpaqstan Respublikası pedagogikalıq sheberlik orayı direktorı
