Qaraqalpaqstan Respublikası Pedagogikalıq sheberlik orayında Gyote-Institutınıń Ózbekstandaǵı filialı menen birgelikte nemis tili muǵallimleri ushın bes kúnlik oqıw kursları baslandı. Bul kurslar Qaraqalpaqstan Respublikasındaǵı ulıwma bilim beriw mekteplerinde jumıs alıp barıp atırǵan nemis tili muǵallimleriniń kásiplik sheberligin arttırıw, shet tilin oqıtıwdıń zamanagóy qatnasların ózlestiriw hám aldınǵı pedagogikalıq tájiriybelerdi bilimlendiriw procesine engiziw maqsetinde shólkemlestirildi. Sabaqlar Gyote-Institutınıń tájiriybeli trenerleri tárepinen alıp barılmaqta. Oqıw kursları dawamında oqıtıwshılardıń Gyote-Instituti imtixanlarına tayarlıq kóriw boyınsha bilimlerin bekkemlew, innovaciyalıq bilimlendiriw metodları hám nátiyjeli oqıtıw strategiyaların ámeliyatta qollanıw kónlikpelerin rawajlandırıwǵa ayrıqsha itibar qaratıladı. Sonday-aq, sabaqlardı zamanagóy talaplar tiykarında shólkemlestiriw, oqıwshılardıń nemis tilin úyreniwge bolǵan qızıǵıwshılıǵın arttırıw hám bilimlendiriwdiń sapasın jaqsılawǵa qaratılǵan ámeliy usınıslar beriliwi názerde tutılǵan. Maǵlıwmat ushın: Oqıw kursları 19-oktyabrden baslanıp, 23-oktyabrge shekem dawam etedi. 
NEMIS TILI OQÍTÍWSHÍLARÍ USHÍN OQÍW KURSLAR BASLANDÍ
Back To Top