Qaraqalpaqstan Respublikası Pedagogikalıq sheberlik orayında matematika hám informatika baǵdarı tıńlawshıları ushın xalıqaralıq ekspert Albert De La Peña tárepinen “Matematika, Informatika hám IT pánlerin oqıtıwda sabaqlarıńız dárejesin arttırıń: Interaktiv oyınlardıń kúshi” atamasında ámeliy seminar shólkemlestirildi. Bul kásiplik rawajlanıw sabaǵı interaktiv oyın strategiyalarınan paydalanıw arqalı sabaq procesin jetilistiriwge qaratıldı. Seminar dawamında qatnasıwshılar oqıwshılardıń belsendiligin, qızıǵıwshılıǵın hám túsiniw dárejesin asırıwǵa xızmet etetuǵın kompyuterli hám de kompyutersiz interaktiv oyın túrleri menen tanıstı. Ámeliy tapsırmalar arqalı oqıtıwshılar bul interaktiv oyınlardı matematika, informatika hám IT pánlerin oqıtıwda nátiyjeli integraciyalaw, sonday-aq, dinamikalıq hám oqıwshıǵa baǵdarlanǵan bilimlendiriw ortalıǵın jaratıw boyınsha zárúr bilim hám kónlikpelerge iye boldı.
