Qaraqalpaqstan Respublikası Pedagogikalıq sheberlik orayınıń “Anıq hám tábiyıy pánler metodikası” kafedrasında 12-aprel – adamzat tariyxındaǵı ullı sáne, Yuriy Gagarinniń birinshi márte kosmosqa párwaz etken kúni múnásibeti menen “Kosmosqa sayaxat” atamasında ruwxıy-aǵartıwshılıq keshe shólkemlestirildi. Ilajdı kafedra baslıǵı Q.Turmanov ashıp berdi hám kosmosqa birinshi qádem arqalı insan imkaniyatlarınıń sheksizligin ayrıqsha atap ótti. Qatnasıwshılar tariyxıy maǵlıwmatlar tiykarında tayarlanǵan qızıqlı viktorinalarda, janlı atqarıwda jańlaǵan ilhamlı qosıqlar hám saxnalıq kórinislerde bilimlerin sınaqtan ótkerdi. Ilaj dawamında tıńlawshılar tárepinen atqarılǵan ayaq oyınlar hám arnawlı tayarlanǵan videorolikler arqalı keshe mádeniy hám ruwxıy jaqtan bayıtıldı.
