Qaraqalpaqstan Respublikası Pedagogikalıq sheberlik orayında ǵalaba xabar quralları wákilleri ushın media-tur shólkemlestirildi. Media turdıń tiykarǵı maqseti: oraydıń jumısı, úzliksiz kásiplik rawajlanıw kurslarınıń shólkemlestiriliwi, professor-oqıtıwshılar tárepinen bilimlendiriw procesinde qollanılıp atırǵan zamanagóy innovaciyalıq texnologiyalar hám tıńlawshılar ushın jaratılǵan sharayatlar menen ǴXQ wákillerin jaqınnan tanıstırıw. Ilajda respublikamızda jumıs alıp barıp atırǵan oraylıq hám jergilikli ǵalaba xabar qurallarınıń wákilleri qatnastı. Media-tur dawamında qatnasıwshılar oraydaǵı oqıw processleri, ashıq sabaqlar, zamanagóy bilimlendiriw metodları hám tıńlawshılar ushın jaratılǵan imkaniyatlar menen jaqınnan tanıstı. Sonday-aq, orayda ámelge asırılıp atırǵan reformalar, pedagoglardıń kásiplik kompetenciyaların rawajlandırıwǵa qaratılǵan ámeliy jumıslar boyınsha maǵlıwmatlar berildi.
