2026–2027-OQÍW JÍLÍNDA OQÍTÍWShÍLARDÍŃ ÚZLIKSIZ KÁSIPLIK RAWAJLANÍWÍN TÁMIYINLEW BOYÍNShA AMELGE ASÍRÍLÍP ATÍRǴAN JUMÍSLAR HAQQÍNDA
(Metodikalıq xızmet kórsetiw bólimi metodisti D.Aytmuratova)
Assalawma áleykum, húrmetli brifing qatnasıwshıları!
2026–2027-oqıw jılında ulıwma orta bilim beriw mektepleri oqıtıwshılarınıń úzliksiz kásiplik rawajlanıwın támiyinlew, olardıń kásiplik sheberligin arttırıw hám bilim beriw sapasın jańa basqıshqa kóteriw boyınsha izbe-iz jumıslar alıp barılmaqta.
Bul baǵdardaǵı jumıslar 2026-jıl 27-avgust kúngi 319-sanlı buyrıǵı tiykarında shólkemlestirilmekte.
Usı tiykarında mekteplerde «Kásiplik rawajlanıw kúni» hám «Kásiplik rawajlanıw saatı» ilajların nátiyjeli shólkemlestiriw, oqıtıwshılardıń zamanagóy pedagogikalıq bilim hám kónlikpelerin jetilistiriw boyınsha tiyisli jumıslar belgilendi.
Kásiplik rawajlanıw sistemasınıń nátiyjeliligin támiyinlew maqsetinde dáslep master-trenerlerdi tayarlaw ilajları ámelge asırıldı. 2026-jıl 15–17-sentyabr kúnleri Avloniy atındaǵı Pedagogikalıq sheberlik milliy institutında master-trenerler ushın oqıw seminarı ótkerildi. Bul seminarǵa Qaraqalpaqstan Respublikasınan 12 pán baǵdarı boyınsha 23 master-trener qatnasıp, arnawlı sertifikatlarǵa iye boldı.
Kelesi basqıshta master-trenerler mentor-oqıtıwshılardı tayarlawda 2026-jıl 28–30-sentyabr kúnleri Qaraqalpaqstan Respublikası Pedagogikalıq sheberlik orayında 10 pán baǵdarı boyınsha 293 mentor-oqıtıwshı oqıtılıp, sertifikatlar menen támiyinlendi.
2026–2027-oqıw jılında «Kásiplik rawajlanıwı kuni» xam «Kásiplik rawajlanıw saatı» ilajları Kásiplik rawajlanıwı tayanısh mektebin, 295 mentor-oqıtıwshını, 6 956 jetekshi oqıtıwshını hám 23 942 mektep oqıtıwshısın qamtıydı.
«Kásiplik rawajlanıw kúni» hám «Kásiplik rawajlanıw saatı» ilajlarının okıu bagdarlaması Xalıkaralık bilimlendiriu sholkemleri Britaniya kenesi, Norvich til talimi institutı, Gyote institutı, Nayl institutı menen birgelikte islep shıgılgan.
Oqıw baǵdarlamasında Jamiyetlik emocional talim arkalı pedagogtıń kásiplik parauanlıǵın tamiyinleu, «Keleshek saatları» sabaqlarınıń nátiyjeliligin arttırıwda pedagogtın roli, klass ámeliyatın izertleu xam dálillerge tiykarlanǵan bilim beriwdi sholkemlestiriu texnologiyasın iyeleu, universal dizayn talim principleri arkalı inklyuziv talimdi kollap-kuuatlau metodikasın tamiynleu, hám oz pani bagdarında jetilistirilgen okıu bagdarlaması, okıu rejeleri xam sabaklıklardı okıu processine engiziu metodikasın ameliyatta kolanıu, pedagogikalıq refleksiya arqalı sabaq procesin analizlew máselelerine ayrıqsha itibar berildi. Sonıń menen birge, oqıwshılardıń bilim nátiyjelerin jaqsılaw, jasalma intellektten ádep-ikramlılıq hám huqıqıy talaplarǵa muwapıq paydalanıw, PISA hám TIMSS talapların pán mazmunına integraciyalaw boyınsha ámeliy kónlikpeler qáliplestirilgen. Mentor-okıtıushılar oz gezeginde jetekshilerge, al jetekshiler mekteplerde oqıtıwshılardıń kásiplik rawajlanıwın sholkemlestiredi.
Ilajdıń tiykarǵı wazıypası — oqıtıwshılardıń bilim hám kónlikpelerin úzliksiz jetilistiriw, úyrenilgen zamanagóy metodlardı sabaq processine engiziw hám oqıwshılardıń bilim sapasın jaqsıllaw bolıp tabıladı.
Usı okıu jılında bagdarlamaga kiritilgen «Keleshek saatı» sabaqların sapalı shólkemlestiriw hám olardıń tárbiyalıq nátiyjeliligin arttırıw maqsetinde kaskad usılında maqsetli kásiplik rawajlandırıw oqıwları ótkerildi.
Ilaj dauamında otkeriletugın oqıwlardıń mazmunı oqıwshılardıń ózin-ózi ańlawın, maqset qoyıwın hám ishki motivaciyasın rawajlandırıwǵa, XXI ásir kompetenciyaları hám keleshek kásipleri haqqında túsiniklerin keńeytiwge qaratılgan. Sonday-aq global puqaralıq, insan huqıqları, mádeniyatlararalıq qatnas, watan súyiwshilik hám ekologiyalıq juwapkershilik máseleleri qamtıldı.Bul baǵdardaǵı jumıslar oqıtıwshılardıń kásiplik tayarlıǵın jetilistiriw menen birge, olardıń oqıwshılarǵa tárbiyalıq tásir kórsetiw imkaniyatların keńeytiwge de xızmet etedi.
«Kásiplik rawajlanıwı kuni» xam «Kásiplik rawajlanıw saatı» ilajları Avloniy atındaǵı Pedagogikalıq sheberlik milliy institutı tarepinen tayarlangan «KRK Avloniy uz» platforması arkalı amelge asırıladı.
2026–2027-oqıw jılında oqıtıwshılardıń úzliksiz kásiplik rawajlanıwın támiyinlew boyınsha jumıslar huqıqıy hújjetler tiykarında, óz-ara baylanısqan basqıshlar arqalı ámelge asırıladı.
Itibarıńız ushın raxmet!
