Qaraqalpaqstan Respublikası pedagogikalıq sheberlik orayınıń “pedagogika, psixologiya hám tálim texnologiyaları” kafedrası baslıǵı, professor Marat Utepbergenov mámleketlik grant jeńimpazı boldı

Ózbekstan Respublikası Oliy Majlisi janındaǵı Jámiyetlik fond tárepinen “Jámiyettegi sociallıq mashqalalardı sheshiwge puqaralıq jámiyeti institutların tartıw” atamasında járiyalanǵan mámleketlik grant tańlawında Qaraqalpaqstan Respublikasınan jeńimpaz bolǵan puqaralıq jámiyet institutları wákillerine arnawlı sertifikatlar tapsırıldı. Quwanıshlı tárepi, jeńimpazlar qatarında Qaraqalpaqstan Respublikası Pedagogikalıq sheberlik orayınıń “Pedagogika, psixologiya hám tálim texnologiyaları” kafedrası baslıǵı, professor Marat Utepbergenovta bar. Professor Marat Utepbergenov basshılıǵında usınıs etilgen “Zorlıqqa qarsı maǵrifat” joybarı mámleketlik grant tańlawında jeńimpaz dep tabıldı. Grant sheńberinde ulıwma bilim beriw mektepleriniń joqarı klass oqıwshıları arasında jınısıy tárbiya hám reproduktivlik salamatlıq boyınsha túsindiriw jumısların alıp barıw, erte hám májbúriy nekeniń aldın alıw, zorlıq, ekonomikalıq hám psixologiyalıq basımnıń unamsız aqıbetleri haqqında xabardarlıqtı arttırıw, sonday-aq, jaslardıń huqıqıy sawatlılıǵın arttırıwǵa qaratılǵan aǵartıwshılıq-túsindiriw ilajların ámelge asırıw názerde tutılǵan.