Qaraqalpaqstan Respublikası pedagoglardı jańa metodikalarǵa úyretiӯ milliy orayı professor-oqıtıwshıları ham tıńlawshılar qatnasıwında 9-may – Eslew hám qádirlew kúnine hám Ekinshi jer júzilik urısta erisilgen jeńistiń 79 jıllıǵına baǵıshlanǵan «Mártler qorǵaydı Ana Watandı» atamasında ilaj bolıp ótti. Onda «Pedagogika, psixologiya hám tálim texnologiyaları» kafedrasınıń oqıtıwshıları hám Awǵan urısınıń qatnasıwshısı Maqset Qudaybergenovlar Ekinshi jer júzilik hám Awǵan urısınıń xalqımız basına salǵan awır qıyınshılıqları haqqında keń túrde aytıp ótip, elimizde húkim súrip turǵan búgingi paraxat zamannan nátiyjeli paydalanıw kerekligi tuwralı tıńlawshılarǵa keń túrde túsinikler berdi. Ekinshi jer júzilik urısta mıńlaǵan jerleslerimiz Watanamızdıń tınıshlıǵı hám abadanlıǵı ushın gúresken. Urıs qatnasıwshıların eslegenimizde, olar búgingi tınısh kúnimiz ushın janın ayamay qanlı sawashlardı óz kózleri menen kórgen jerleslerimiz, babalarımız, ustazlarımız ekenligin umıtpawımız kerek. Olardıń mártlik isleri jaslarǵa ibrat mektebi bolıp esaplanadı.
