Usı jıldıń 15–may kúni Qaraqalpaqstan Respublikası pedagoglardı jańa metodikalarǵa úyretiw milliy orayında professor-oqıtıwshılar qatnasıwında ashıq sáwbet ótkerildi.
Onda Pedagogikalıq orayıdıń Oqıw hám metodikalıq isler boyınsha direktor orınbasarı I.Pirniyazov sózge shıǵıp, ilimiy jumıs penen shuǵıllanıwǵa baylanıslı bir qatar máseleler, solardıń qatarında milliy hám sırt el jurnallarında ilimiy maqalalar járiyalaw boyınsha pikir usınısların bildirdi.
Pedagogikalıq orayda házirgi kúnde tiykarǵı shtatta 44 professor-oqıtıwshı jumıs alıp baradı. Orayda 1 ilim doktorı, 14 ilim kandidatları bolıp, ilimiy potencial ortasha 31,8 procentke teń.
Búgingi kúnde pedagogikalıq oraydaǵı tiykarǵı shtattaǵılardan 11 professor-oqıtıwshı erkin izleniwshi tiykarında ilimiy-izertlew jumısları menen shuǵıllanbaqta. Olardan 3 doktorlıq (DSc) dissertaciyası, 8 professor-oqıtıwshı filosofiya doktorı (PhD) dissertaciyaları boyınsha jumıs alıp barmaqta.
Pedagogikalıq oraydıń professor-oqıtıwshıları mámleketlik baǵdarlama tiykarında shólkemlestirilgen xalıqaralıq hám respublikalıq ilimiy-ámeliy konferenciyalarda belsene qatnasıp kelmekte. 2023-jılda bilimlendiriwdiń sapası hám nátiyjeliligin arttırıw maqsetinde 2 sabaqlıq, 6 oqıw qollanba, 3 oqıw-metodikalıq qollanba, 41 metodikalıq qollanba, 62 metodikalıq usınıslar tayarlandı.
