Búgin, 28-noyabr kúni rayon(qala)lardaǵı tayanısh mekteplerinde ótkerilip atırǵan “Kásiplik rawajlanıw kúni” ilajı oqıtıwshılardıń kásiplik rawajlanıw sistemasın úzliksiz támiyinlew, olardaǵı kásiplik sheberligin hám ilimiy tájriybe dárejesiniń turaqlı ósiwi ushın zárúr shárt-shárayatlar jaratıw maqsetinde ulıwma orta bilim beriw mákemelerinde bilimlendiriw sapasın arttırıwǵa baǵdarlanǵan.
Esletip ótemiz, usı ilajlardı shólkemlestiriwden maqset, oqıtıwshılarǵa kásiplik sheberligin arttırıw hám metodikalıq jaqtan járdem beriw ushın zárúr shárayatlardı jaratıw bolıp tabıladı.
“Kásiplik rawajlanıw kúni” ilajınıń wazıypaları tómendegilerden ibarat:
Prezident hám qánigelestirilgen mekteplerdiń aldıńǵı tájiriybelerin ulıwma orta bilim beriw mákemelerine engiziw;
oqıtıwshılarǵa zamanagóy pedagogikalıq hám innovciyalıq tálim texnologiyaların ózlestiriw ushın sharayat jaratıw;
oqıtıwshılardıń ózi ústinde ózbetinshe islewi hám aldıńǵı pedagogikalıq tájiriybelerdi úyreniwin shólkemlestiriw;
oqıtıwshılardı pán jáne onı oqıtıw metodikasındaǵı tiyisli jańalıqlar menen tanıstırıw;
oqıtıwshılarǵa óz-ara tájiriybe almaslaw, sonday-aq, “Ustaz -shákirt” sistemasında sheriklik qılıw múmkinshiligin jaratıw;
oqıtıwshılardıń óz-ara sabaq baqlawı, refleksiv ámeliyatı hám de mektep negizinde bilimlerdi jetilistiriwi ushın múmkinshilik jaratıp beriw.
Maǵlıwmat ushın: Qaraqalpaqstan Respublikasındaǵı 17 tayanısh mektepte anıq pán baǵdarı boyınsha 724 jetekshi oqıtıwshı qatnaspaqta.
