Ózbekstan Respublikası Prezidenti Sh.Mirziyoevtiń basshılıǵında 2023-jıl 28-avgust kúni keńeytirilgen tárizde ótkerilgen videoselektor májilisinde Mektepke shekemgi hám mektep bilimlendiriwi ministrligine Singapur hám Birlesken Arab Ámirlikleri tájiriybesi tiykarında pedagog kadrlarǵa kásiplik sertifikat beriw tártibin islep shıǵıw tapsırıllǵan edi.
2024-jıldan baslap Birlesken Arab Ámirlikleri tájiriybesi tiykarında aymaqlıq orayları professor-oqıtıwshılarınıń qánigeligin arttırıw sistemasın engiziw wazıypası belgilengen edi.
Usı wazıypalardıń orınlanıwın támiyinlew maqsetinde Mektepke shekemgi hám mektep bilimlendiriwi ministriniń 2024-jıl 10-yanvardaǵı 14-sanlı buyrıǵına qol qoyıldı hám qánigelik arttırıw kursınıń baǵdarlaması tastıyıqlandı.
Házirgi waqıtta ministrlik tárepinen qánigelik arttırıw kursınıń 5-basqıshı (sońǵı basqısh) usı jıldıń 3-5-dekabr kúnleri shólkemlestirilmekte.
Búgin 3-dekabr kúni qánigelik arttırıw kursınıń juwmaqlawshı basqıshına Qaraqalpaqstan Respublikası Pedagogikalıq sheberlik orayınıń barlıq professor-oqıtıwshıları qatnaspaqta.
Kurs juwmaǵında “Úzliksiz kásiplik bilimlendiriw” platforması arqalı sertifikatlar usınılıwı rejelestirilgen.
