Prezidentimiz tárepinen bilimlendiriw tarawına úlken itibar qaratılıp, tálimniń sapasın asırıw baǵdarında keń kólemli reformalar ámelge asırılmaqta. Atap aytqanda, Ózbekstan Respublikası Prezidentiniń 2024-jıl 21-iyundaǵı PQ-231-sanlı qararı tiykarında barlıq ulıwma bilim beriw mekteplerinde «Kásiplik rawajlanıw kúni» hám «Kásiplik rawajlanıw saatı» ilajların en jaydırılıwı – bul oqıtıwshılardıń bilimlendiriw tarawındaǵı sońǵı jańalıqlar, zaman talabına say tálim metodları hám usılları menen tanısıp bilim dárejesin ele de arttırıw ushın keń imkaniyat jaratıp berdi. Házirgi waqqıtta Qaraqalpaqstan Respublikası mısalında usı ǵalabalıq túrde ótkerilip atırǵan ilajǵa barlıq anıq hám tábiyiy pán oqıtıwshıları qamtıp alınǵan bolıp, olarǵa respublikamızdaǵı eń tájiriybeli oqıtıwshılar trener hám mentor etip belgilendi. Hár bir rayonda tayanısh mektepleri shólkemlestirilip, usı mekteplerde oqıtıwshılar ushın sharayatlar jaratıp berilmekte.
Qaraqalpaqstan Resupblikasında bilimlendiriw sıpatın asır ıw, Mámleketimiz basshısı tárepinen bilimlendiriw sisteması boyınsha belgilep bergen wazıypalardıń orınlanıwın kóriw, muǵallimlerdiń qánigeligin arttırıw sistemasınıń nátiyjeliligin úyreniw, xalıqaralıq izertlewlerge tayarlıǵın úyreniw hám de ámeliy járdem kórsetiw maqsetinde Ózbekstan Respublikası Mektepke shekemgi hám mektep bilimlendiriw ministrligi tárepinen Qaraqalpaqstan Respublikası Pedagogikalıq sheberlik orayında ilaj shólkemlestirildi.
Oǵan Ózbekstan Respublikası Mektepke shekemgi hám mektep bilimlendiriwi ministriniń másláhátshisi U.Tashkentbayev, Xalıqaralıq izertlewler orayı direktorı S.Palvannazirov, Tálim sıpatın bahalaw hám monitoring etiw basqarması bas qánigesi A.Karimberdiyev, A.Avloniy atındaǵı Pedagogikalıq sheberlik milliy institutınıń Aymaqlarda úzliksiz kásiplik rawajlandırıwdı muwapıqlastırıw bólimi baslıǵı A.Gaffarov, Xalıqaralıq izertlewler orayınıń Izertlewlerdi shólkemlestiriw bóliminiń baslıǵı A.Maqsudov, Pedagogikalıq sheberlik orayı direktorı V.Bekmuratova, Qaraqalpaqstan Respublikası Mektepke shekemgi hám mektep bilimlendiriw ministriniń orınbasarı M.Shlimetova, ministrliktiń qanigeleri hám Pedagogikalıq sheberlik orayınıń metodikalıq xızmet kórsetiw bólimi metodistleri, treninglerde tayarlanǵan master-trener hám trener-koordinatorlar qatnastı.
Ilajdı Qaraqalpaqstan Respublikası Pedagogikalıq sheberlik orayı direktorı V.Bekmuratova ashtı hám basqarıp bardı.
Ilaj sheńberinde qánigeler tárepinen:
Kásiplik rawajlanıw kúni hám Kásiplik rawajlanıw saatların sapalı dawam ettiriw;
Mugallimlerdiń zamanagóy texnologiyalardan hám “Cerebey” platformasınan nátiyjeli paydalanıwın qadaǵalaw;
PISA izertlewlerine tayarlıqtı kúsheytiw kerekligi boyınsha tapsırmalar berildi.
Ilaj Respublikamızdıń mektepke shekemgi bilimlendiriw mákemelerinde dawam etpekte.
