“Social-ekonomikalıq pánler metodikası” kafedrasınıń aǵa oqıtıwshısı Nurjamal Tleumuratova tárepinen Tárbiya páni muǵallimleriniń úzliksiz kásiplik rawajlandırıw (qánigeligin arttırıw) kursı tıńlawshıları ushın “Tárbiya pánin oqıtıwda affektiv kónlikpelerdi rawajlandırıw” atamasında metodikalıq seminar shólkemlestirildi.
Seminardıń tiykarǵı maqseti – Tárbiya páninde affektiv kónlikpelerdiń mazmunı hám olardıń basqıshların sáwlelendiriw, sonday-aq, oqıwshılarda empatiya, qádiriyatlardı qabıl etiw hám múnásibet bildiriw sıyaqlı affektiv kompetenciyalardı qáliplestiriwge qaratılǵan nátiyjeli metodlardı tıńlawshılarǵa úyretiwden ibarat boldı.
Ilaj dawamında qatnasıwshılarǵa affektiv tarawda qollanılatuǵın interaktiv usıllar, ámeliy sabaqlar arqalı kórsetip berildi.
