Qaraqalpaqstan Respublikası Pedagogikalıq sheberlik orayında ulıwma orta bilim beriw mekteplerinde pedagog-kadrlardıń úzliksiz kásiplik rawajlanıwın támiyinlewge qaratılǵan “Kásiplik rawajlanıw kúni” hám “Kásiplik rawajlanıw saatı” ilajların nátiyjeli shólkemlestiriw máselelerine baǵıshlanǵan ashıq sáwbet ótkerildi.
Ilajda Oray direktorınıń akademiyalıq iskerlik boyınsha orınbasarı Amirxan Qaypnazarov hám metodikalıq xızmet kórsetiw bóliminiń metodistleri qatnastı. Sóylesiw dawamında 2025-2026-oqıw jılında, oktyabr ayınan baslap respublika boyınsha 11 pán baǵdarlarında bul ilajlar turaqlı hám nátiyjeli ótkerilip atırǵanı atap ótildi. Ótkerilgen ilajlar dawamında oqıtıwshılar ushın zamanagóy pedagogikalıq hám innovaciyalıq bilimlendiriw texnologiyaların ózlestiriw, óz betinshe islew kónlikpelerin rawajlandırıw hám aldınǵı tájiriybeler menen tanısıp barıw ushın zárúr sharayatlar jaratıldı. “Ustaz-shákirt” sisteması tiykarında birge islesiwdi kúsheytiw, óz-ara tájiriybe almasıw hám sabaqlardı baqlaw ámeliyatı jolǵa qoyıldı. Metodistler tárepinen ótkerilgen baqlawlar tiykarında refleksiv tallawlar ámelge asırılıp, oqıtıwshılardıń kásiplik rawajlanıwın qollap-quwatlawǵa qaratılǵan usınıslar berildi. Mektep negizinde mamanlıq arttırıw jumısları turaqlı dawam ettirilip, metodikalıq járdem kórsetildi. Ulıwma alǵanda, esap beriw dáwirinde kásiplik rawajlanıw ilajları belgilengen tártipte, sapalı hám belgilengen tártipte shólkemlestirildi jáne metodistler tárepinen turaqlı qadaǵalap barılmaqta.
