Qaraqalpaqstan Respublikası Pedagogikalıq sheberlik orayında Qaraqalpaqstanǵa miyneti sińgen “Jaslar ustazı”, psixologiya ilimleriniń doktorı (DSc), professor Marat Allanazarovich Utepbergenovtıń 60 jasqa tolıwına baǵıshlanǵan ruwxıy-aǵartıwshılıq ilaj bolıp ótti. Ilajda Qaraqalpaqstan Respublikası Joqarǵı Keńesi deputatı, Respublikalıq Ruwxıylıq hám aǵartıwshılıq orayı Qaraqalpaqstan Respublikası bólimi baslıǵı Tatlımurat Atamuratov, Nókis qalası hákiminiń orınbasarı, shańaraq hám hayal-qızlar bóliminiń baslıǵı Zulfiya Dauletnazarova, joqarı oqıw orınlarınıń professor-oqıtıwshıları, oraydıń tıńlawshıları hám ǵalaba xabar qurallarınıń wákilleri qatnastı. Ilajda Akademiyalıq ıskerlikti muwapıqlastırıw bólimi baslıǵı Miyras Uteniyazov sózge shıǵıp, yubiley iyesin qutlıqladı hám oray jámááti atınan tayarlanǵan sawǵalardı tapsırdı. Májiliste professordıń ilimiy jumısı, psixologiya pánine qosqan úlesi hám jaslarǵa ustazlıq jolında erisken jetiskenlikleri ayrıqsha atap ótildi. Professor M.Utepbergenov 2019-jılı “Qaraqalpaq shańaraqlarınıń sociallıq-etnopsixologiyalıq ózgeshelikleri” atamasındaǵı doktorlıq dissertaciyasın tabıslı qorǵap, Qaraqalpaqstanda psixologiya tarawında birinshi ilim doktorı ataǵına iye bolǵan. Sonnan berli sırt el hám respublikalıq ilimiy basılımlarda 30 dan aslam ilimiy maqalaları basıp shıǵarılǵan. 
Ustazlıqtıń ullı jolı: Professor Marat Allanazarovich Utepbergenov – 60 jasta
Back To Top