Qaraqalpaqstan Respublikası Pedagogikalıq sheberlik orayında tıńlawshılardıń logikalıq bilimlerin arttırıw hám topar bolıp islew kónlikpelerin qáliplestiriw maqsetinde “Zakovat” intellektuallıq oyını shólkemlestirildi.
Bul ilajda oraydıń qánigeligin arttırıw kurslarında bilim alıp atırǵan ulıwma bilim beriw mektepleriniń oqıw isleri hám ruwxıy-aǵartıwshılıq isleri boyınsha direktor orınbasarları qatnastı. Intellektuallıq jarıs “Pedagogika, psixologiya hám tálim texnologiyaları metodikası” kafedrası professor-oqıtıwshıları tárepinen shólkemlestirildi.
Oyınnıń tiykarǵı maqseti: Qatnasıwshılardıń kásiplik sheberligin hám logikalıq pikirlewin arttırıw; Pedagogikalıq jumista ushirasatuģın qıyın jaģdaylarda tez hám duris qarar qabil etiw kónlikpesin rawajlandırıw; Tıńlawshılar arasında óz-ara tájiriybe almasıw hám dóretiwshilik birge islesiwdi bekkemlew. Bellesiwde tıńlawshılardan quralǵan “Lider” hám “Juwapkerler” komandaları óz-ara kúsh sınastı.
Qatnasıwshılardıń bilimi hám logikalıq pikirlew qábileti bir neshe basqıshtan ibarat quramalı hám qızıqlı sorawlar arqalı sınaqtan ótkerildi. 
