Qaraqalpaqstan Respublikası Pedagogikalıq sheberlik orayı tárepinen Nókis qalasındaǵı 6-, 32- hám 53-sanlı ulıwma orta bilim beriw mekteplerinde “Kásiplik rawajlanıw kúni” hám “Kásiplik rawajlanıw saatı” ilajlarınıń ámelge asırılıw procesi boyınsha press-tur shólkemlestirildi. Bul ilaj Ózbekstan Respublikası Prezidentiniń 2024-jıl 21-iyundaǵı “Mektepke shekemgi hám mektep bilimlendiriw mákemeleri xızmetkerleriniń úzliksiz kásiplik rawajlanıw sistemasın jetilistiriw boyınsha qosımsha ilajlar haqqında”ǵı PQ-231-sanlı qararı hám Ózbekstan Respublikası Mektepke shekemgi hám mektep bilimlendiriwi ministrliginiń 2024-jıl 7-avgusttaǵı 246-sanlı buyrıǵınıń orınlanıwın támiyinlew sheńberinde shólkemlestirildi. Atap aytqanda, 2025-2026-oqıw jılında ulıwma orta bilim beriw mektepleri muǵallimleri ushın kásiplik rawajlanıwdıń úzliksizligin támiyinlew maqsetinde engizilip atırǵan “Kásiplik rawajlanıw kúni” hám “Kásiplik rawajlanıw saatı” ilajlarınıń mazmun-mánisi, ámeliy áhmieti hám olardıń bilimlendiriw sapasına tásiri ǵalaba xabar qurallarınıń wákillerine tolıq tanıstırıldı. Oǵan respublikamızda jumıs alıp barıp atırǵan oraylıq hám jergilikli ǴXQ wákilleri qatnaspaqta. 
#press_tur “Kásiplik rawajlanıw kúni” hám “Kásiplik rawajlanıw saatı” ilajları boyınsha press-tur shólkemlestirildi
Back To Top