Press-tur sheńberinde qatnasıwshılar Nókis qalasındaǵı 32-sanlı ulıwma orta bilim beriw mektebinde alıp barılıp atırǵan kásiplik rawajlanıw ilajları menen jaqınnan tanıstı. Sapar dawamında mektepte filologiya pánleri baǵdarında shólkemlestirilgen “Kásiplik rawajlanıw saatı” ilajları kórsetildi. Sonday-aq, 9-klasta inglis tili páninen ashıq sabaq hám 8-klasta biologiya páninen ámeliy shınıǵıw processleri baqlandı. Ashıq sabaq hám ámeliy shınıǵıwlarda zamanagóy pedagogikalıq texnologiyalar, interaktiv metodlar hám de oqıwshılardıń erkin hám sın kózqarastan pikirlewdi rawajlandırıwǵa qaratılǵan qatnaslar qollanıldı. Ilaj sońında ǵalaba xabar qurallarınıń wákillerine oqıtıwshılardıń kásiplik sheberligin turaqlı arttırıw, aldınǵı pedagogikalıq tájiriybelerdi ámeliyatqa engiziw hám bilimlendiriwdiń sapasın hám nátiyjeliligin bunnan bılay da arttırıw baǵdarında ámelge asırılıp atırǵan sistemalı jumıslar boyınsha tolıq maǵlıwmat berildi. 
Uqsas jańalıqlar
#press_tur Nókistegi 53-mektepte ashıq sabaq hám metodikalıq birge islesiw kórsetildi
#press_tur Nókis qalasındaǵı 6-sanlı mekteptiń jumısı menen tanıstı
