Qaraqalpaqstan Respublikası Pedagogikalıq sheberlik orayında ximiya páni tıńlawshıları ushın “Sabaqtı baqlaw hám tallaw” atamasında ashıq sabaq shólkemlestirildi. Sabaq “Aniq hám tábiyiy pánler metodikası” kafedrası aǵa oqitıwshısı A.Esnazarov tárepinen alıp barıldı.
Ashıq sabaq procesinde zamanagóy oqıtıwshınıń kásiplik kompetenciyaların rawajlandırıw, bilimlendiriw procesin nátiyjeli shólkemlestiriw hám sabaqtı professional baqlaw hám tallaw mexanizmleri dodalandı. Atap ótilgenindey, sabaqtı baqlawdıń tiykarǵı maqseti oqıtıwshınıń kásiplik dárejesin bahalaw, bilimlendiriwdiń sapasın qadaǵalaw, metodikalıq járdem kórsetiw hám aldınǵı pedagogikalıq tájiriybelerdi ǵalaba en jaydırıwdan ibarat.
Sonday-aq, sabaqtıń nátiyjeliligi onıń puqta rejelestiriliwine tikkeley baylanıslı ekenligi atap ótildi. Sonıń ishinde, temanıń kalendar reje tiykarında shólkemlestiriliwi, anıq maqsetlerdiń qoyılıwı, texnikalıq hám metodikalıq tayarlıq dárejesi áhmietli faktorlar sıpatında tán alındı.
Sabaq juwmaǵında sabaqtı baqlaw hám tallaw procesi qadaǵalaw forması emes, al bilimlendiriwdiń sapasın arttırıwǵa qaratılǵan birgeliktegi dóretiwshilik jumıs ekeni ayrıqsha atap ótildi.
