Qaraqalpaqstan Respublikası Pedagogikalıq sheberlik orayında jaslar arasında erte nekeniń aldın alıwǵa qaratılǵan seminar-trening ótkerildi. Seminar-treningte Pedagogikalıq sheberlik orayınıń professor-oqıtıwshıları hám tıńlawshıları qatnastı.
Ilajdı Pedagogikalıq sheberlik orayınıń direktorı Gulistan Kojabaeva kiris sóz benen ashıp, jaslardıń keleshegi, olardıń ruwxıy hám fizikalıq jetikligi, sonday-aq, ómirge juwapkershilik penen qatnas jasawdıń áhmiyetli ekenligi haqqında aytıp ótti.
Seminar dawamında xalıqaralıq trener Gulxan Utepbergenova tárepinen neke jası, shańaraqlıq juwapkershilik, jaslardıń jeke rawajlanıwı hám bilim alıwdıń áhmiyeti boyınsha tolıq maǵlıwmatlar berildi.
Sonday-aq, qatnasıwshılar menen tema sheńberinde pikir alısılıp, áhmiyetli usınıslar berildi.
