Qaraqalpaqstan Respublikası Pedagogikalıq sheberlik orayında professor-oqıtıwshılar ushın “Xalıqaralıq bahalaw sisteması” atamasında seminar-trening ótkerildi. Bul seminar bilimlendiriwdiń sapasın arttırıw, pedagoglardıń zamanagóy bahalaw sistemaları haqqındaǵı bilim hám kónlikpelerin bekkemlewge qaratıldı.
Seminarda trenerler – Metodikalıq xızmet kórsetiw bólimi baslawısh bilimlendiriw metodistleri Ametova Shaxribonu hám Allashova Nursulıw tárepinen oqıp túsiniw kónlikpelerin rawajlandırıw, tekst penen nátiyjeli islew, tekstlerdegi gilt sózlerdi anıqlaw hám sanlı tekstlerdiń ózine tán ózgeshelikleri haqqında tolıq maǵlıwmatlar berildi.
Sonday-aq, trening dawamında oqıp túsiniw strategiyaların nátiyjeli qollanıw boyınsha ámeliy shınıǵıwlar shólkemlestirilip, qatnasıwshılar teoriyalıq bilimlerin ámeliy jumıs penen bekkemlew imkaniyatına iye boldı.
Seminar dawamında xalıqaralıq izertlewlerdiń nátiyjeleri hám búgingi kúnde oqıwshılardıń oqıw sawatlılıǵı dárejesi haqqında da hár tárepleme maǵlıwmatlar berildi.
