Pedagogikalıq sheberlik orayında bilimlendiriwdiń sapasın arttırıw hám aldınǵı sırt el tájiriybelerin oqıw procesine engiziw maqsetinde xalıqaralıq qánige Albert De La Peña qatnasıwında qánigeligin arttırıw kursları sheńberinde “Til hám tariyxtı úyretiwde oyındı ózgertiwshiler” temasında trening shólkemlestirildi. Bul tájiriybe arttırıw sabaǵında oqıtıwshılar hár qıylı mazmundaǵı, oqıwshılarǵa baǵdarlanǵan klass oyınları menen tanıstırıldı. Trening dawamında qatnasıwshılar tek ǵana nátiyjeli pedagogikalıq strategiyalar haqqında maǵlıwmatqa iye bolıp qalmastan, al Kaboom, “At jarısı,” “Konvert jarısı” sıyaqlı interaktiv oyınlardı ámeliy tárizde sınaqtan ótkeriw imkaniyatına iye boldı. Trening dawamında puqta islep shıǵılǵan oyınlar oqıwshılardıń sabaq procesindegi belsendiligin sezilerli dárejede arttırıwı, oqıw materialın este saqlawdı jaqsılawı hám tez qáliplestiriwshi bahalawdıń nátiyjeli quralı bolıp xızmet etetuǵını ayrıqsha atap ótildi. Sonday-aq, oqıtıwshılar óz sabaqların jáne de dinamikalıq, interaktiv hám oqıwshılarǵa baǵdarlanǵan tárizde shólkemlestiriw ushın bul oyınlardı oqıw procesine integraciyalawdıń ámeliy usılları menen tanıstı.
