🌐Usı jıldıń 7–9-aprel kúnleri Túrkiya Respublikasınıń Stambul qalasındaǵı Lütfi Kırdar International Convention and Exhibition Center kompleksinde xalıqaralıq kólemdegi bilimlendiriw sammiti — EURIE 2026 bolıp ótpekte.
▶️Bul abıraylı ánjumanǵa Qaraqalpaqstan Respublikası Pedagogikalıq sheberlik orayınıń direktorı Kojabaeva Gúlistan Talasbaevna qatnaspaqta.
✨EURIE 2026 sammiti bilimlendiriw tarawındaǵı zamanagóy kózqaraslar menen tanısıw, aldınǵı xalıqaralıq tájiriybelerdi úyreniw hám jańa sheriklik baylanısların jolǵa qoyıw ushın áhmiyetli platforma esaplanadı. Oǵan dúnyanıń hár qıylı mámleketlerinen jetekshi universitetler, bilimlendiriw mákemeleri hám taraw qánigeleri qatnasıp, global bilimlendiriw sistemasındaǵı aktual máselelerdi talqılamaqta, tájiriybe almasıp, perspektivalı sheriklik baǵdarların belgilemekte.
✔️Sammit sheńberinde oray basshısı Túrkiya Milliy bilimlendiriw ministri Yusuf Tekin menen ushırasıw ótkerip, bilimlendiriw tarawındaǵı áhmiyetli máseleler boyınsha pikir alıstı. Bul ushırasıw óz-ara birge islesiwdi jáne de rawajlandırıw jolında áhmiyetli qádem boldı.
