Qaraqalpaqstan Respublikası Pedagogikalıq sheberlik orayı “Pedagogika, psixologiya hám tálim texnologiyaları metodikası” kafedrası tárepinen 9-aprel – Qaraqalpaqstan Respublikası Konstituciyası kúni múnásibeti menen “Oqıwshı-jaslardıń huqıqıy mádeniyatı – keleshegimizdiń tayanıshı” temasında ilaj shólkemlestirildi.
Ilaj Ózbekstan hám Qaraqalpaqstan Respublikalarınıń mámleketlik gimnleri menen baslandı.
Ilajdı oray direktorınıń akademiyalıq iskerlik boyınsha orınbasarı A.Qaypnazarov ashıp berdi hám barlıq qatnasıwshılardı usı sáne menen qızǵın qutlıqladı.
Ilaj dawamında Konstituciyanıń mazmun-mánisin keńnen sáwlelendiriw maqsetinde bir qatar bayanatlar tıńlandı.
Atap ótilgenindey, Konstituciya mámleket puqaralarınıń erk-ıqrarın ózinde sáwlelendiriwshi, mámleketlik hákimiyat uyımlarınıń jumısın tártipke salıwshı hám de olardıń tiykarǵı principlerin belgilewshi eń joqarı yuridikalıq kúshke iye bolǵan Tiykarǵı nızam bolıp tabıladı.
Ilaj dawamında tıńlawshılar tárepinen saxnalıq kórinis qoyılıp, onda Konstituciyada bekkemlengen insan huqıq hám erkinlikleri kórkem talqılaw arqalı keńnen sáwlelendirildi.
