🎗2025-jıl 8-may kúni Qaraqalpaqstan Respublikası Pedagogikalıq sheberlik orayında 9-may – Eslew hám qádirlew kúni múnásibeti menen “ESLEW – MUQADDES QÁDIRIYAT” atamasındaǵı ruwxıy-aǵartıwshılıq ilajı shólkemlestirildi. Bul ilaj oraydıń “Social-ekonomikalıq pánler metodikası” kafedrası tárepinen ótkerilip, onda urıs jıllarında janın pida etken ata-babalarımızdıń esteligin yad etiw, jas áwlad qálbinde watansúyiwshilik, sadıqlıq hám shúkirshilik sezimlerin bekkemlew tiykarǵı maqset etip belgilendi. Ilajdı kafedra baslıǵı R.Bauetdinov ashıp berip, Ekinshi jáhán urısı jıllarında xalqımızdıń basınan keshirgen sınaqları, qıyınshılıqları hám joǵaltıwları haqqında aytıp ótti. Sonday-aq, búgingi tınısh hám paraxat turmıstıń qádirine jetiw, elimizdegi tatıwlıq hám turaqlılıqtı qásterlep saqlaw hár bir puqaranıń muqaddes minneti ekenligi atap ótildi. Ilaj dawamında tıńlawshılar tárepinen tayarlanǵan saxnalıq kórinisler, qosıqlar hám tariyxıy shıǵıwlar kórsetildi. Urıs qaharmanlarınıń mártligi, front artındaǵı pidayılıq hám Watanǵa muhabbat ideyaları kórkem shıǵıwlarda óz kórinisin taptı. 
ESLEW – MUQADDES QÁDIRIYAT
Back To Top