Búgin respublikamızdaǵı tayanısh mekteplerde Jámiyetlik pánler baǵdarı boyınsha “Kásiplik rawajlanıw kúni” ilajları baslandı. Ilajlar “Social-emocionallıq bilimlendiriw (SEL) tiykarında pedagogtıń kásiplik abadanlıǵı hám turaqlılıǵın támiyinlew – nátiyjeli bilimlendiriwdiń tiykarǵı faktorı” temasında ótkerilmekte. Ilajlardıń tiykarǵı nátiyjeleri: pedagoglardıń social-emocional kompetenciyaların rawajlandırıw; kásiplik zorıǵıwlardı basqarıw hám turaqlılıqtı bekkemlew boyınsha ámeliy kónlikpelerdi qáliplestiriw; sabaq procesinde SEL jantasıwlarınan nátiyjeli paydalanıw usılların ózlestiriw; oqıwshılar menen unamlı hám qollap-quwatlawshı bilimlendiriw ortalıǵın jaratıw boyınsha tájiriybe almasıw; zamanagóy pedagogikalıq metodlardı ámeliyatqa engiziw boyınsha anıq usınıslar islep shigiw. Nátiyjede pedagoglardıń kásiplik sheberligin arttırıw, sabaqlardıń nátiyjeliligin kúsheytiw hám oqıwshılar ushın jáne de qolaylı social-emocionallıq bilimlendiriw ortalıǵın jaratıwǵa tiykar jaratılmaqta.
MAǴLÍWMAT USHÍN: Búgin respublikamızdaǵı 19 tayanısh mektepte Jámiyetlik pánler baǵdarı boyınsha “Kásiplik rawajlanıw kúni” ilajları ótkerilmekte. Bul ilajlarda 735 jetekshi oqıtıwshı qatnaspaqta.
