JAŃA ÁWLAD SABAQLARÍ ÁMELDE

Qaraqalpaqstan Respublikası Pedagogikalıq sheberlik orayı Mektepke shekemgi, baslawısh hám arnawlı tálim metodikaları kafedrası docenti, pedagogika ilimleri boyınsha filosofiya doktorı (PhD) G. Yusupova hám de N. Usmanova, V. Uvarova, G. Buzikova hám O.Yevstafevalar menen birgelikte oqıw qaraqalpaq tilinde alıp barılatuǵın ulıwma bilim beriw mektepleriniń 2-klass oqıwshıları ushın “Oqıw sawatlılıǵı” sabaqlıǵınıń 1-bólimi hám shınıǵıw dápteri “Novda” baspası tárepinen Koreyada basıp shıǵarıldı. Sabaqlıqtıń mazmunı aldınǵi xalıqaralıq tájiriybeler hám milliyligimiz benen integraciyalanǵan bolıp, oqıwshılarda kommunikativ, kreativ, sın kózqarastan pikirlew hám birge islesiw kónlikpelerin qáliplestiriwge baǵdarlanǵan. Shınıǵıw dápterinde sabaqlıqtaǵı bilimlerdi bekkemlew, oqıwshılardıń intellektual potencialı, logikalıq hám dóretiwshilik pikirlew qábiletlerin rawajlandırıwǵa qaratılǵan rebuslar, anagrammalar, “Venn diagramma,” “T-sxema,” “Klaster,” “Durıs-nadurıs” sıyaqlı túrli metodikalıq tapsırmalar orın alǵan. Oray jámááti G. Yusupova hám barlıq birgeliktegi avtorlardı usı ilimiy-metodikalıq jetiskenlik penen qızǵın qutlıqlap, aldaǵı ilimiy-dóretiwshilik hám pedagogikalıq jumıslarında tabıslar tileydi!