Qaraqalpaqstan Respublikası Joqarǵı Keńesi tárepinen tastıyıqlanǵan Qaraqalpaqstan Respublikası Pedagoglardı jańa metodikalarǵa úyretiw milliy orayı jumısın 2024-jılı rawajlandırıw baǵdarında ámelge asırılatuǵın ilajlardıń is-rejesine tiykarlanıp Qaraqalpaqstan Respublikası pedagoglardı jańa metodikalarǵa úyretiw milliy orayında “Xalıqaralıq grant joybarlarda qatnasıw hám jeńip alıw” hámde “málimleme hám kiber qáwipsizlik” haqqında ámeliy seminar-trening shólkemlestirildi. 
Seminar-treningke “Ózkomnazorat” insfekciyası Qaraqalpaqstan Respublikası aymaqlıq bólimi qánigesi R.Axımbetov “Innovaciyalıq” sektorı qánigesi T.Polatbaev hám Pedagogikalıq orayı Oqıw hám metodikalıq isler boyınsha direktor orınbasarı I.Pirniyazov, bólim basshıları hám professor-oqıtıwshılar qatnastı.
Ilajda taraw qánigeleri tárepinen xalıqaralıq grantlar boyınsha keńnen túsinik berip ótti.
Sonıń menen birge ilajda málimleme hám kiber qáwipsizlik haqqında qatnasıwshıalarǵa sózge shıqqanlar tárepinen maǵlıwmatlar berildi. Atap aytqanda, málimleme qáwipsizligi, kiber hújim, kiber qáwipsizlik obyekti hám kiber qorǵanıw máseleleri hám aldıń alıw haqqında maǵlıwmatlar berildi. Ilaj qatnasıwshıları qánige tárepinen ózlerin qızıqtırǵan sorawlarına tiyisli juwaplar aldı. 
