Qaraqalpaqstan Respublikası pedagogikalıq sheberlik orayında “Korrupciyaǵa qarsı gúresiw” aylıǵı sheńberinde “Korrupciya – jámiyet dushpanı” atamasında ashıq sáwbetlesiw ilajı shólkemlestirildi.
Ilajdı pedagogikalıq sheberlik oray direktorı orınbasarı A.Qaypnazarov ashıp berdi hám alıp bardı.
Ashıq sáwbetlesiwge oray pofessor–oqıtıwshıları, kurs tıńlawshıları hám de Qaraqalpaqstan Respublikası Ádillik ministrliginiń Huqıqıy málimleme sektorı baslıǵı N.Berdiniyazova hám Qaraqalpaqstan Respublikası Nókis rayonlar aralıq hákimshilik sudınıń sudyası, Yuridika ilimleri doktori (DSc), professor K.Babanazarovlar óz bayanatları menen qatnastı. 
Bayanatshılar mámleketimizde korrupciyaǵa baylanıslı huqıqbuzarlıqlardıń aldın alıw boyınsha keń túrde túsinikler berdi. Ashıq sáwbet soraw-juwaplar hám pikir almasıwlar menen dawam ettirildi.
