Qaraqalpaqstan Respublikası Pedagogikalıq sheberlik orayında Ózbekstan Respublikası Prezidentiniń 2024-jıl 21-iyundaǵı «Mektepke shekemgi hám mektep bilimlendiriwi mákemeleri xızmetkerlerin kásiplik rawajlandırıw sistemasın jetilistiriw boyınsha qosımsha is-ilajlar haqqında»ǵı PQ-231-sanlı qararınıń orınlanıwın támiynlew hám Nókis qalasındaǵı Prezident mektebi tájiriybesin en jaydırıw maqsetinde seminar-trening ótkerildi.
Seminar-treningte Nókis qalasındaǵı Prezident mektebiniń ximiya páni boyınsha xalıqaralıq oqıtıwshısı S’Celo Velenkini Zulu Prezident mektebinde toplanǵan tájiriybeler tiykarında “Scientific Method” degen temada laboratoriya jumısın joqarı dárejede shólkemlestirdi.
Treningte kurs tıńlawshıları ximiya sabaqlarında laboratoriya jumısların ótkeriwde zamanagóy metodlardan paydalanıw sheberligin hám oqıtıwdıń xalıqaralıq tájiriybeleri boyınsha ámeliy kónlikpelerin arttırdı.
