⚡️Ózbekstan Respublikası Prezidenti Shavkat Mirziyoevtiń basshılıǵında 2025-jıl 9-aprel kúni ótkerilgen videoselektor májilisinde hár aydıń bir shembi yamasa ekshembi kúnin “Shańaraq hám miynet jámááti menen sayaxatqa shıǵıw kúni” sıpatında belgilew haqqındaǵı baslama alǵa qoyılǵan edi. ✔️Usı baslamanıń orınlanıwın támiyinlew, ishki turizmdi qollap-quwatlaw hám xızmetkerler arasında ruwxıy-aǵartıwshılıq ortalıqtı bekkemlew maqsetinde, 2025-jıl 26-aprel kúni Qaraqalpaqstan Respublikası Pedagogikalıq sheberlik orayı adminstraciyası baslaması menen oraydıń professor-oqıtıwshıları hám barlıq xızmetkerleri ushın Beruniy rayonında jaylasqan “Sultan Uays baba” qoyımshılıqı hám «Shılpıq» qorǵanın zıyarat etiw imkaniyatı jaratıldı. 📌Zıyarat dawamında xızmetkerler milliy hám ruwxıy-mádeniy miyrasqa baylanıslı tariyxıy maǵlıwmatlar menen jaqınnan tanıstı. 🔴Bul sapar etiw tek ǵana ishki turizmdi rawajlandırıw emes, al xızmetkerler arasında awızbirshilik, watansúyiwshilik hám ruwxıy sezimlerin jáne de bekkemlewge xızmet etti. 
☄️Ishki turizmdi rawajlandırıw hám ruwxıy qádiriyatlardı saqlaw jolındaǵı baslama
Back To Top