#Tájiriybe_almasıw
Qaraqalpaqstan Respublikası Pedagogikalıq sheberlik orayı Anıq hám tábiyıy pánler metodikası kafedrası professor-oqıtıwshıları 2025-jıl 28-aprel kúni óz-ara tájiriybe almasıw maqsetinde Xorezm wálayatı Pedagogikalıq sheberlik orayında xızmet saparında boldı.
Xızmet saparınıń tiykarǵı maqseti – Pedagogikalıq orayda alıp barılıp atırǵan oqıw metodikalıq jumıslar menen jaqınnan tanısıw, birgelikte oqıw seminarların shólkemlestiriw, birgelikte tálim grantlarına qatnasıw hám óz-ara tájiriybe almasıwdan ibarat boldı.
Xızmet saparı dawamında professor oqıtıwshılar Xorezm wálayatı Pedagogikalıq sheberlik orayında jaratılǵan sharayatlar, sabaqlardıń shólkemlestiriliwi, kurs tıńlawshılardıń kásiplik sheberliklerin rawajlandırıw jumıslarınıń barısı, oqıw xanalarınıń materiallıq texnikalıq bazası, labaratoriya xanaları hám kompyuter xanaları menen jaqınnan tanıstı.
Sonday-aq, sapar sheńberinde oqıw metodikalıq jumıslarda birge islesiw, birgelikte uzliksiz kásiplik rawajlandırıw sistemasındaǵı mashqalalı temalar boyınsha oqıw seminarların shólkemlestiriw, oqıtıwshılardıń kásiplik sheberliklerin rawajlandırıw barısında birgelikte islesiw hám ózara tájriybe almasıw boyınsha kelisip alındı. Bul boyınsha aldaǵı waqıtları turaqlı túrde birge islesiw ushın rejeler belgilep alındı.
