Informatika hám axborot texnologiyaları páni muǵallimleri ushın shólkemlestirilgen qánigeligin arttırıw kursları sheńberinde sabaqlar joybarǵa tiykarlanǵan bilimlendiriw (Project-Based Learning) qatnası tiykarında alıp barılmaqta. Kurs tıńlawshılarına eki háptege mólsherlengen ámeliy joybar tapsırması berildi. Joybar teması – oqıwshılardıń sabaqqa qatnasıwın qadaǵalaw ushın mobil yamasa veb-qosımsha jaratıw. Bul joybar procesinde tıńlawshılar tómendegi áhmiyetli kásiplik kompetenciyalardı rawajlandırdı: programmalıq sheshimlerdi joybarlastırıw hám islep shıǵıw; sanlı texnologiyalardı bilimlendiriw procesine nátiyjeli engiziw; jámáátte islew hám wazıypalardı bólistiriw; real mashqalanı sheshiwge qaratılǵan ámeliy qosımshalar jaratıw. Búgin joybar jumıslarınıń prezentaciyası bolıp ótti. Onda 5 topar tárepinen islep shıǵılǵan qosımshalar kórsetilip, olardıń funkcionallıǵı, qolaylıǵı hám bilimlendiriw procesinde qollanıw imkaniyatları hár tárepleme dodalandı. Sabaqlardı Pedagogikalıq sheberlik orayınıń oqıtıwshısı Dilfuza Kutlımuratova alıp bardı. Oqıw procesinde tıńlawshılarǵa joybarǵa tiykarlanǵan bilimlendiriwdiń mazmunı, onı informatika hám IT pánlerin oqıtıwda qollanıw usılları hám ámeliy joybarlardı nátiyjeli shólkemlestiriw boyınsha metodikalıq usınıslar berildi. 
Informatika oqıtıwshıları ushın ámeliy joybarlar tiykarındaǵı qánigelik arttırıw
Back To Top