Mómin-musılmanlar ushın muqáddes bolǵan, ruwxıy pákleniw, miyrim-shápáát, mútájlerge járdem hám ǵamqorlıq kórsetiwge shaqıratuǵın Ramazan ayı hám múbárek Ramazan hayıtı menen bársheńizdi qızǵın qutlıqlaymız.
Bul qutlı kúnlerge tınıshlıq-amanlıqta jetip kelgenimiz ushın Jaratqanǵa shúkirshilik etemiz.
Elimizdegi tınıshlıqtı, túrli millet hám din wákilleri arasındaǵı húrmet hám keńpeyillikti qásterlep saqlaw bárshemizdiń áhmiyetli wazıypamız bolıp esaplanadı.
Qádirli watanlaslar!
Sizlerdi jáne bir márte Ramazan hayıtı menen qutlıqlaymız. Bul bayramdı shańaraq aǵzalarıńız, jaqınlarıńız hám doslarıńız benen birge payızlı hám mazmunlı ótkeriwińizdi tileymiz. Ilayım, elimiz tınısh, xalqımız aman bolsın!
Húrmet penen, Kojabaeva Gulistan Talasbaevna. Qaraqalpaqstan Respublikası pedagogikalıq sheberlik orayı direktorı
