ÚSH KÚNLIK OQÍW SEMINARÍ JUWMAQLANDÍ

“Metodikalıq sheberlik kúni” hám “Metodikalıq sheberlik saatı” ilajların nátiyjeli shólkemlestiriw maqsetinde ótkerilgen úsh kúnlik oqıw seminarı óz juwmaǵına jetti. Seminarǵa Qaraqalpaqstan Respublikası Pedagogikalıq sheberlik orayınıń “Mektepke shekemgi, baslawısh hám arnawlı tálim metodikaları” kafedrasınıń aǵa oqıtıwshısı Gulzar Baytileuova hám Metodikalıq xızmet kórsetiw bóliminiń metodisti Ajiniyaz Otarbaev master-trener sıpatında qatnastı. Seminar dawamında qatnasıwshılar “Metodikalıq sheberlik kúni” hám “Metodikalıq sheberlik saatı”n mazmunlı hám nátiyjeli shólkemlestiriw, zamanagóy metodlardan paydalanıw hám aldınǵı tájiriybelerdi ámeliyatqa engiziw boyınsha zárúr bilim hám kónlikpelerge iye boldı. Kurs juwmaǵında qatnasıwshılar hám trenerlerge sertifikatlar, belsendi qatnasıwshılarǵa alǵısnamalar, sonday-aq, Institut tárepinen estelik sawǵaları tapsırıldı. Úsh kún dawamında qáliplesken bilim, kónlikpe hám tájiriybeler endi aymaqlarda “Metodikalıq sheberlik kúni” hám “Metodikalıq sheberlik saatı” sabaqların nátiyjeli shólkemlestiriw procesinde ámeliyatqa engiziledi.