2026-jıl 17-oktyabr kúni Qaraqalpaqstan Respublikasındaǵı 19 tayanısh mektebinde baslawısh tálim baǵdarı boyınsha “Kásiplik rawajlanıw kúni” ilajları ótkerildi. Tastıyıqlanǵan reje-grafik tiykarında 30 mentor-oqıtıwshı tárepinen 742 jetekshi oqıtıwshı ushın seminar ótkerildi. Ilajlardıń tiykarǵı teması – “Pedagogtıń kásiplik párawanlıǵı hám turaqlılıǵın támiyinlew – nátiyjeli bilimlendiriwdiń tiykarǵı faktorı. Bul baǵdarda mentor-trenerler tárepinen jetekshi oqıtıwshılar ushın pedagogtıń kásiplik párawanlıǵı hám turaqlılıǵın támiyinlew, nátiyjeli pedagogikalıq iskerlikti shólkemlestiriw hám bilimlendiriw procesinde zamanagóy texnologiyalardan paydalanıw boyınsha ámeliy shınıǵıwlar ótkerildi. Ilaj dawamında pedagoglardıń kásiplik potencialın arttırıw, óz ústinde islew hám aldıńǵı is tájiriybelerdi ámeliyatqa engiziw kónlikpelerin rawajlandırıwǵa ayrıqsha itibar qaratıldı. 
#KRK Tayanısh mekteplerde Baslawısh tálim baǵdarı boyınsha “Kásiplik rawajlanıw kúni” ilajlarına start berildi
Back To Top