Hár bir bala — óz aldına bir dúnya. Onıń qızıǵıwshılıqları, qábileti hám rawajlanıw ózgesheliklerin ańlaw bolsa tárbiyashıdan sheberlik hám durıs pedagogikalıq qatnastı talap etedi. ⚡2026-jıl 10-noyabr kúni Qaraqalpaqstan Respublikası Pedagogikalıq sheberlik orayınıń Pánlerdi rawajlandırıw bólimi tárepinen mektepke shekemgi bilimlendiriw shólkemleriniń tárbiyashıları kurs tıńlawshıları ushın “Mektepke shekemgi bilimlendiriw shólkemlerinde balalardı baqlawdıń pedagogikalıq-metodologiyalıq tiykarları” atamasında sheberlik sabaǵı shólkemlestirildi. Sheberlik sabaǵın Nókis qalasındaǵı 9-sanlı mámleketlik mektepke shekemgi bilimlendiriw shólkeminiń joqarı kategoriyalı tárbiyashısı, 70 payızlıq hám Ministrler qorı ústemleriniń iyesi Z.Tayrova alıp bardı. Sabaq dawamında mektepke shekemgi jastaǵı balalardıń individual ózgeshelikleri, qızıǵıwshılıǵı, qábileti hám rawajlanıw dárejesin baqlaw, baqlaw nátiyjelerin talqılaw hám olardan tálim-tárbiya procesinde nátiyjeli paydalanıwdıń ámeliy táreplerine ayrıqsha itibar qaratıldı. 
Uqsas jańalıqlar
JAŃA ÁWLAD SABAQLARÍ ÁMELDE
Qaraqalpaqstan Respublikası pedagogikalıq sheberlik orayınıń “pedagogika, psixologiya hám tálim texnologiyaları” kafedrası baslıǵı, professor Marat Utepbergenov mámleketlik grant jeńimpazı boldı
