Click to listen highlighted text!

“METODIKALÍQ ZAKAWAT” — BILIM HÁM ShEBERLIK JARÍSÍ

19.11.2026 11:36:58 39 Баспаға шығарыў

2026-jıl 18-noyabr kúni Qaraqalpaqstan Respublikası Pedagogikalıq sheberlik orayında tıńlawshıları arasında “Metodikalıq Zakawat” intellektual oyını ótkerildi. Ilaj Metodikalıq xızmet kórsetiw bólimi metodistleri tárepinen shólkemlestirilip, onda ana tili (qaraqalpaq, ózbek hám rus tilleri) hám sociallıq pánler (tariyx hám tárbiya) baǵdarları boyınsha 25 pedagog qatnastı. Interaktiv metodlar tiykarında 5 komandaǵa birlestirilgen qatnasıwshılar — “Evrika,” “Afrosiyob,” “Humo,” “Ayaziy” hám “Turan” komandaları quramında óz bilim hám imkaniyatların sınaqtan ótkerdi. Tańlaw dawamında pedagogika, metodika hám logikalıq pikirlewge baylanıslı 20 soraw arnawlı sanlı platforma arqalı tosınnan tańlaw (Random) algoritmi tiykarında usınıldı. Bul bolsa processtiń ashıq-aydınlıǵın hám interaktivligin támiyinledi. Juwmaqlawshı nátiyjeler boyınsha: 🥇 1-orın — “Ayaziy” komandası (13 ball); 🥈 2-orın — “Afrosiyob” komandası (11 ball); 🥉 3-orın — “Turan” komandası (10 ball). Bul intellektuallıq bellesiw pedagoglardıń kásiplik hám metodikalıq bilimlerin bekkemlew, logikalıq hám sın kózqarastan pikirlew qábiletlerin rawajlandırıw, pánleraralıq birge islesiwdi keńeytiw hám jámáátte birge islesiw kónlikpelerin jetilistiriwge qaratılǵan áhmiyetli ámeliy ilajlardan biri boldı. Jarıs juwmaǵında jeńimpaz komandalar Húrmet jarlıqları hám estelik sawǵaları menen sıylıqlandı. Sonday-aq, barlıq qatnasıwshılarǵa belsene qatnasqanı ushın minnetdarshılıq bildirildi.

Back To Top
Click to listen highlighted text!