«Nawayı ullı shayır» atamasında tańǵı ilaj shólkemlestirdi 9-Fevral — Áliysher Nawayı tuwılǵan kún
Ǵázzel múlkiniń sultanı, ózbek xalqınıń ullı shayırı Áliysher Nawayı dúnya ádebiyatınıń eń úlken darǵalarınıń biri. Nizamaddin Áliysher 1441-jıldıń 9-fevralı kúni Herat qalasında tuwıldı.
Áliysherdi tórt jasında mektepke beredi. Ákesi Ǵiyasaddin Kishkene temiriyler sarayınıń abıraylı ámirleriniń biri edi. Sonlıqtan Áliysher temiriyler xanadanlarınıń balaları menen birge tárbiyalandı.
Qaraqalpaqstan Respublikası pedagoglardı jańa metodikalarǵa úyretiw milliy orayınıń “Tillerdi oqıtıw metodikası” kafedrası aǵa oqıtıwshısı Muqaddas Razzoqova ózbek tili kurs tıńlawshıları tárepinen 9-fevral Áliysher Nawayınıń tuwılǵan kúnine arnap «Nawayı ullı shayır» atamasında tańǵı ilaj shólkemlestirdi.
❇️Ilajǵa Pedagogikalıq oraydıń professor-oqıtıӯshıları hám tıńlawshılar belsendilik penen qatnastı.
Onda qatnasıwshılarǵa Áliysher Nawayınıń «Xamsa»sı «Hayratul-abror» («Jaqsı adamlardıń hayranlıqqa túsiwi»), «Farhad hám Shiyrin», «Láyli hám Májnún», «Sabai sayer» («Jeti sayaxatshı»), «Saddi Iskandariy» («Iskender diywalı») dástanları boyınsha sorawlar berildi hám jeńimpazlarǵa shólkemlestiriwshiler tárepinen sawǵalar tapsırıldı.
