Mektepke shekemgi hám mektep bilimlendiriw ministrligi Singafurdıń “Marshall Cavendish Education” shólkemi menen mektep direktorların hám oqıtıwshılardıń qánigeligin arttırıw, mekteplerlerde oqıw baǵdarlamasın shólkemlestiriw hám de sanlı texnologiyalardı engiziw boyınsha birge islesiw baylanısların ornatqan.
Birge islesiw sheńberinde Mektepke shekemgi hám mektep bilimlendiriw ministrligi Singafurdıń “Marshall Cavendish Education” bilimlendiriw shólkeminiń 16 eksperti tárepinen usı jıldıń 10-14 iyun kúnleri 100 mektep direktorlarıhám 60 aymaqlıq koordinatorlar ushın Liderlik hám ózgerislerdi basqarıw boyınsha trening kursları alıp barıldı. Sonday-aq, 8-12 iyul kúnleri esa 200 master-trenerlar (matematika hám tábiyy pánler (Science) oqıtıwshıları) hám 60 koordinatorlari (metodistlar) ushın 5 kúnlik xalıqaralıq dárejedegi seminar-treningler shólkemlestirildi.
Kelesi usı kurslardı A.Avloniy atındaǵı pedagogikalıq sheberlik milliy institutı juwapkershiliginde aymaqlıq Redagogikalıq sheberlik orayları hám Qaraqalpaqstan Respublikası Mektepke shekemgi hám mektep bilimlendiriw ministrligi, Tashkent qala hám walayatlar Mektepke shekemgi hám Mektepke shekemgi hám mektep bilimlendiriw basqarmaları bsherikliginde usı jıldıń avgust ayınan baslap kaskad usılında mámleketimiz boylap, aymaqlar,rayon hám qala hám de mekteplerde dawam etedi. 5-9 avgust kúnleri Qaraqalpaqstan Respublikası pedagogikalıq sheberlik orayında Mektepke shekemgi hám mektep bilimlendiriw rayon bólim baslıqları (1 mártelik ), mektep direktorları, matematika va tábiyiy pánler(fizika, ximiya, biologiya) oqıtıwshıların kaskad usılında oqıtıw maqsetinde oqıw-treningleri shólkemlesitirlmekte. Qaraqalpaqstan Respublikası pedagogikalıq sheberlik orayında Singapurdıń “Marshall Cavendish Education” shólkemi menen birgelikte ótkerilgen seminar-treningtiń birinshi kúni baslandı.
Seminar-trening respublikamızdan 17 rayon (qala) Mektepke shekemgi hám mektep bilimlendiriw bólim baslıqları, 35 mektep direktorları, 37 matematika páni oqıtıwshıları hám 58 tábiyiy (Science) páni oqıtıwshıları qamtıp alındı.
