Ózbekstan Respublikası Prezidentiniń 2024-jılı 2-fevraldaǵı “Ulıwma orta bilimlendiriw mákemeleri oqıwshıların shet til hám zamanagóy kásiplerge úyretiw boyınsha qosımsha is -ilajlar haqqında»ǵı PQ-53-sanlı qararında belgilengen wazıypalardıń orınlanıwın hám de Ózbekstan Resupblikası Mektepke shekemgi hám mektep bilimlendiriw ministrliginiń 2024-jıl 30-iyuldegi «Ekinshi shet tilinen sabaq beretuǵın oqıtıwshılardı jańa oqıw baǵdarlamaları hám metodikalarǵǵa úyretiw boyınsha qısqa múddetli qánigeligin asırıw kursların shólkemlestiriw haqqında»ǵı 232-sanılı buyrıǵın orınlaw maqsetinde 2024-2025-oqıw jılınan baslap respublikamızdaǵı 22 ulıwma bilim beriw mekteplerinde ekinshi shet (inglis, nemis, francuz, koreys hám yapon, qıtay) tillerin oqıtıw jolǵa qoyıldı.
Usı jıldıń 12-14-avgust kúnleri Qaraqalpaqstan Respublikası Pedagogikalıq sheberlik orayında ekinshi shet tilinen sabaq beretuǵın oqıtıwshılar ushın qısqa múddetli 18-saatlıq qánigelik arttırıw oqıw kursları shólkemlestirilip, oǵan 25 shet tili páni oqıtıwshıları qamtıp alındı.
Qánigelik arttırıw kursların tabıslı tamamlaǵan oqıtıwshılarǵa sertifikat beriledi.
