1-dekabr – qaraqalpaq tiline mámleketlik til biyligi berilgen kún
Xalqımızda «Til-millettiń aynası», «Til jasasa – millet jasaydı», «Til millettiń biybaha baylıǵı», – degen danalıq sózler biykarǵa aytılmaǵan. Sebebi, hár bir xalıqtıń ózligin kórsetiwde, jámiyettiń rawajlanıwında tildiń ornı oǵada áhmiyetli bolıp, til xalıqtıń tariyxın, mádeniy miyrasın, úrp-ádet jáne dástúrlerin ózinde jámlegen biybaha baylıq bolıp sanaladı. Qaraqalpaqstan Respublikası pedagogikalıq sheberlik orayında usı sánege baǵıshlanǵan «Tańǵı ilaj» ótkerildi. Ilajda barlıq tıńlawshılar belsendilik penen qatnasıp, biri-birine motivaciya berip, bilimlerin sınap kóriw maqsetinde «Dóretiwshi insanlardı tanıysızba?», «Súwretlerden naqıl-maqallardı tap» sıyaqlı oyınlardan paydalanıldı. Bunday ilajdıń ótkeriliwi bayram aldınan qatnasıwshılarǵa zawıq baǵıshladı.
