Ózbekstan Respublikası Mektepke shekemgi hám mektep bilimlendiriwi ministrligi tárepinen 2025-jıl 1-oktyabrden baslap ulıwma orta bilim beriw mákemeleriniń pedagogları ushın “Kásiplik rawajlanıw kúni” hám “Kásiplik rawajlanıw saatı” sisteması engizilmekte.
Bul baslama oqıtıwshılardıń kásiplik potencialın arttırıw, innovaciyalıq hám zamanagóy pedagogikalıq qatnaslardı ámeliyatqa engiziw maqsetinde jolǵa qoyılmaqta.
Kásiplik rawajlanıw sabaqları 11 pán baǵdarı boyınsha shólkemlestiriledi. Qaraqalpaqstan Respublikası pedagogikalıq sheberlik orayında bul sabaqlardı alıp barıw ushın tájiriybeli mentor-oqıtıwshılar ZOOM platforması arqalı tańlap alınbaqta.
