Búgin Pedagogikalıq sheberlik orayınıń Akademiyalıq ıskerlikti muwapıqlastırıw bólim baslıǵı Miyras Uteniyazov tıńlawshılar menen ashıq sáwbet ótkerdi. Ilajda úzliksiz kásiplik rawajlandırıw kursların aldınǵı pedagogikalıq, málimleme-kommunikaciya hám innovaciyalıq texnologiyalar tiykarında nátiyjeli shólkemlestiriw máseleleri hár tárepleme dodalandı. M.Uteniyazov zamanagóy bilimlendiriw procesinde aldınǵı pedagogikalıq jantasıwlar, sanlı texnologiyalardan paydalanıw, innovaciyalıq oqıtıw usılların qollanıw hám oqıw kurslarınıń sapasın arttırıw zárúrligin atap ótti. Sonday-aq, tıńlawshılardıń kásiplik kompetenciyaların rawajlandırıw, olardıń ámeliy kónlikpelerin bekkemlew hám bilimlendiriw procesin zaman talapları tiykarında jetilistiriw boyınsha pikir-usınısların bildirdi.
Ashıqtan-ashıq sóylesiw procesinde tıńlawshılar ózlerin qızıqtırǵan sorawlar menen múrájat etip, usınıs hám baslamaların alǵa qoydı. 
