Qaraqalpaqstan Respublikası Pedagogikalıq sheberlik orayında Tillerdi oqıtıw metodikası kafedrası docenti Bayrambay Turımbetov tárepinen úzliksiz kásiplik rawajlanıw “Qaraqalpaq tili adebiyatı” kursında «Ana tili hám ádebiyat sabaqlarında «Material-Súwretli-Simvollı» jantasıw arqalı turmıslıq kónlikpelerin rawajlandırıw» temasında ashıq sabaq ótildi.
Sabaq PISA xalıqaralıq bahalaw baǵdarlaması tiykarında ana tili hám ádebiyat sabaqlarınıń nátiyjeliligin arttırıw maqsetinde shólkemlestirildi. Tıńlawshılar tekstti túsiniw hám tallaw procesinde waqıya hám obrazlardı súwret hám belgiler járdeminde bildiriw kónlikpelerin rawajlandırdı.
Ashıq sabaq dawamında: analitikalıq pikirlew hám simvolikalıq pikirlewdi rawajlandırıwshı shınıǵıwlar ótkerildi; turmıslıq túsiniklerdi anıqlaw hám kórkem obrazlardan juwmaq shıǵarıw tapsırmaları orınlandı; tema turmıslıq mısallar menen baylanıstırıldı.
