Qaraqalpaqstan Respublikası Pedagogikalıq sheberlik orayında professor-oqıtıwshılar hám oray metodikalıq xızmet kórsetiw bólimi metodistleri ushın “Texnologiya sabaqların 5 E modeli tiykarında shólkemlestiriw usılları” atamasında ashıq sabaq shólkemlestirildi.
Ashıq sabaqtı “Ámeliy pánler hám mektepten tısqarı tálim metodikası” kafedrasınıń professorı, sociologiya ilimleri kandidatı, docent Nilufar Ibragimova alıp bardı.
Ashıq sabaq dawamında texnologiya kursı tıńlawshılarına 5E modeli, onıń maqset hám wazıypaları jáne sabaq procesinde qollanıw usılları haqqında maǵlıwmat berildi. Sonday-aq, ámeliy sabaqlar arqalı tıńlawshılardıń tiyisli kónlikpeleri qáliplestirildi.
Sonday-aq, ashıq sabaqta qatnasıwshılar Texnologiya sabaqlarında 5 E modelin qollanıw jolları haqqında bir sabaqlıq islenbe tiykarında bilimleri bekkemlendi hám ámeliy tapsırmalar orınladı.
Tıńlawshılar ózlerin qızıqtırǵan sorawlarǵa juwaplar alıp, pikirler almasıldı.
