Qaraqalpaqstan Respublikası Pedagogikalıq sheberlik orayında arttırılǵan immunitet jetispewshiligi sindromı (AIJS) hám arttırılǵan immunitet jetispewshiligi virusı (AIJS) infekciyası boyınsha úgit-násiyat jumısların alıp barıw maqsetinde Anıq hám tábiyıy pánler metodikası kafedrası oqıtıwshısı Zuhra Shaniyazova hámde biologiya kursı tıńlawshılarınıń qatnasıwında ushırasıw shólkemlestirildi.
Ilaj dawamında AIJS hám AIV infekciyasınıń tarqalıw sebepleri, qáwip faktorları, kesellikti juqtırıw mexanizmleri hám onnan saqlanıw usılları boyınsha tolıq maǵlıwmat berildi. Sonday-aq, keselliktiń insan organizmindegi tásiri hám aǵzalardıń jaraqatlanıwı boyınsha laboratoriyalıq processler kórsetildi, onıń sociallıq aqıbetleri boyınsha túsinikler jetkerildi. Ushırasıwda ásirese juqpalı keselliklerdiń aldın alıwda jeke gigiena qaǵıydalarına ámel etiw, salamat turmıs tárizine ámel etiw hám qáwipli jaǵdaylardan óz waqtında saqlanıwdıń áhmiyeti ayrıqsha atap ótildi.
