Qoraqalpog‘iston Respublikasi Pedagogik mahorat markazi direktorining xalqaro maslahatchisi S’celo Velenkosini Zulu tomonidan uzluksiz kasbiy rivojlanish kurs tinglovchilariga «Key qualities of a good teacher presented by» mavzusida seminar-trening o‘tkazildi.
Maqsadi – o‘qituvchilarga zamonaviy ta’lim metodlari, pedagogik texnologiyalar va samarali dars jarayonini tashkil etish bo‘yicha yangi ko‘nikmalarni o‘rgatish.
Tadbir davomida S’celo Velenkosini Zulu yaxshi o‘qituvchi nafaqat bilim berishi, balki o‘quvchilarni hayotga tayyorlash, fikrlash qobiliyatini tushunish, ularga hayotda muvaffaqiyatga erishish uchun zarur bo‘lgan ko‘nikmalarni berish, shuningdek, yaxshi o‘qituvchi o‘z darsida nafaqat ma’lumotlarni yetkazishga, balki o‘quvchilarning fikrlashini kengaytirishga va ularga ijobiy munosabatlarni shakllantirishga katta e’tibor qaratishini aytib o‘tdi.
Tadbir yakunida tinglovchilar o‘z bilim va ko‘nikmalarini amaliyotga tatbiq etish bo‘yicha fikr almashdi.
